Երեւանի քաղաքապետարանը եւ STR ակումբը «Երեւանյան ամառ 2015» ծրագրի շրջանակներում հունիսի 28-ին ժամը 13:00–ից Լենինգրադյան «Հրազդան» մարզադաշտին հարակից հրապարակում կազմակերպել էր «Ավտո մոտո շոու- դրիֆտինգ Երեւան» մրցաշարը:
Մրցութային մասում ներկայացվել են տարբեր տեսակների ու ոճերի մեքենաներ. թյունինգապատ, սպորտային մեքենաներ, ինչպես նաեւ մոտոցիկլներ։
13:00-ին նախ ասպարեզ են դուրս եկել արագընթաց ձեւավոր վարում մրցության մասնակիցները` մինչեւ 2 լ շարժիչի ծավալ ունեցող մեքենաներով: Այնուհետ մրցասպարեզը տրամադրվել է 2 լիտրից բարձր շարժիչի ծավալ ունեցող սիրողական դասի մեքենաներին, որից հետո նաեւ Հայաստանի ավտոմոբիլային ֆեդերացիայի արհեստավարժ թվով 10 ավտոմարզիկներին: Ժամը 17-00-ին մեկնարկել է դրիֆթինգի առաջնությունը, որին մասնակցել են նաեւ Վրաստանից ժամանած մարզիկներ: Հատուկ այս մրցումը դատելու համար Լիբանանից Երեւանի է ժամանել ավտոսպորտի հայազգի մարզիկ, ներկայում նման մրցաշարերի դատավոր Գարո Հարությունյանը, ով նաեւ հանդես է եկել ցուցադրական ելույթով եւ իր փորձը կիսել մրցաշարի մասնակիցների հետ: Կայացել են նաեւ ցուցադրական այլ ելույթներ: Հաղթողները պարգեւատրվել են հովանավորների կողմից սահմանված նվերներով եւ գավաթներով:





























