Նախընտրելի
Ռուսական ռուբլու արժեզրկման պատճառը ոչ միայն ՌԴ-ի նկատմամբ պատժամիջոցներն են, այլեւ տնտեսության չզարգանալը: Այս մասին NEWS.am-ի թղթակցի հետ զրույցում ասաց Հայաստանի գործատուների հանրապետական միության նախագահ, տնտեսագետ Գագիկ Մակարյանը:
«Ռուսաստանի նկատմամբ սանկցիաները կային, դրանք մնում են, վիճակը չի փոխվել, ուղղակի խոսքը գնում է նորերի մասին կամ կամ եղած վիճակը պահպանվում է: Պարզապես եղած սանկցիաների իրավիճակում տնտեսությունը չի կարողանում ձգտել բարձր իրավիճակների, եւ քանի որ տնտեսության ռեսուրսները նվազել են, նոր ռեսուրսներ չեն համալրվում ռուսական էկոնոմիկայի մեջ, էկոնոմիկան անկում է ապրում, որը կարող է ազդել նաեւ մեր վրա: Մեր վրա կարող է ազդել նաեւ դոլարի արժեւորումը»,-ասաց փորձագետը:
Տնտեսագետը շեշտեց՝ քանի որ սանկցիաները չեն թեթեւացել, ռուսական էկոնոմիկան «ճռռում» է, իսկ ներդրումները եւ պետության կողմից արվող քայլերը ազդեցություն չեն ունենում նման մասշտաբի պետության մեջ:
Գագիկ Մակարյանը շեշտեց, որ եթե սանկցիաները հանվեին, վիճակը կթեթեւանար, բայց դրանք մնում են, իսկ տնտեսությունը չի զարգանում, գնում է ինֆլյացիայի:
Նշենք, որ վերջին շրջանում դրամն արժեզրկվում է, իսկ դոլարի փոխարժեքը հասել է 478 դրամի սահմանագծին: Բացի այդ, արժեզրկվում է նաեւ ռուսական ռուբլին:
