Սինգապուրի պատանեկան Օլիմպիական խաղերում Հայաստանի ներկայացուցիչ Վահան Վարդանյանը նվաճել է սպորտային մարմնամարզության բազմամարտի եզրափակչում հանդես գալու իրավունք:

Նախնական պայքարում Վարդանյանը գրավել է 10-րդ տեղը`վեց վարժությունների արդյունքում վաստակելով 82,500 միավոր: Լավագույն արդյունքը մեր մարզիկը ցույց է տվել հենացատկում:

Որակավորման առաջին տեղը գրաված ճապոնացի Յույա Կամոտոն հավաքել է  87,200 միավոր: Եզրափակիչը տեղի կունենա վաղը` օգոստոսի 18-ին: