Հարավային Սուդանում նոյեմբերի 4–ին կործանված օդանավի անձնակազմի հրամանատար Գեւորգ Թովմասյանի, բորտինժեներ Սամվել Մկրտչյանի եւ ավիատեխնիկ Սուրեն Պետրոսյանի մարմիններն այսօր՝ նոյեմբերի 14-ին, հանձնեցին հողին:

Նշենք, որ աճյունները Հայաստան էին տեղափոխվել Ջուբա-Խարթում-Երեւան չարտերային չվերթով՝ նոյեմբերի 12-ի ուշ երեկոյան:

Հայրենիք են տեղափոխվել կործանված օդանավի 5 անդամների մարմինները:

Անձնակազմի անդամներն են՝

Հրամանատար Գեւորգ Թովմասյան

Երկրորդ օդաչու Սամվել Համբարձումյան

Բորտինժեներ Սամվել Մկրտչյան

Ավիատեխնիկ Արմեն Անտոնյան

Ավիատեխնիկ Սուրեն Պետրոսյան

Անձնակազմում կար նաեւ ՌԴ քաղաքացի, որի մարմինը նույն չվերթով Երեւանից տեղափոխվել է Մոսկվա:

Հիշեցնենք, որ 2015թ.  նոյեմբերի 4-ին Հարավային Սուդանում կործանվել էր Allied Services Limited ավիաընկերությանը պատկանող բեռնատար ԱՆ-12 օդանավը։  ԱՆ-12-ը վայր էր ընկել թռիչքից անմիջապես հետո եւ վնասելով բնակելի շինություններ՝ ընկել էր Նեղոս գետը։ Ավիաաղետի հետեւանքով զոհվել էր 40 մարդ: