Սրտի անհետաձգելի վիրահատությունների համար  2016-ի պետբյուջեով 420 մլն դրամ է նախատեսված (մոտ 870 հազար դոլար. ծ.խ.): Այդ մասին նոյեմբերի  17-ին Հայաստանի խորհրդարանում ասել է Հայաստանի առողջապահության նախարար Արմեն Մուրադյանը:  

Նարկոլոգիական եւ հոգեկան հիվանդներին կհատկացվի մոտ  274 մլն դրամ, իսկ երեխաների հիվանդանոցային բուժմանը` 122 մլն:

Մեկ հիվանդանոցային օրվա  միջինացված արժեքը մարդու համար գնահատված է  14 670 դրամ:

Սրտի անհետաձգելի վիրահատությունների ծրագիրը, որը սկսվել է 2015-ին, հասարակությունում արդեն հարգանքի եւ վստահության է արժանացել, հավելել է նախարարը: