նախընտրելի դարձնել
ԵԱՀԿ Մինսկի խմբի համանախագահներն ու նրանց ներկայացնող կառավարությունները համատեղ աշխատում են` նպաստելու բանակցություններին, որոնք ի վերջո կհանգեցնեն հակամարտության հանգուցալուծման: Այս մասին Երեւանում նոյեմբերի 18-ին ասել է ԱՄՆ-ի պետքարտուղարի Եվրոպայի եւ Եվրասիայի հարցերով օգնական Բրիջիտ Բրինկը:
Անդրադառնալով լրատվամիջոցներում խմորվող այն տեղեկություններին, թե հնարավոր է Լեռնային Ղարաբաղի շուրջ անվտանգության գոտու տարածքի մի մասի հանձնում, նա պատասխանել է, թե տեղեկացված չէ դրա մասին: «Մենք գործընթաց ունենք, եւ ԵԱՀԿ Մինսկի խմբի համանախագահներն ու նրանց ներկայացնող կառավարությունները աջակցում են դրան: Բայց ինքը գործընթացը առաջ է գնում համանախագահների ջանքերի շնորհիվ», - նշել է Բրինկը:
