Նախընտրելի
Պարբերականը տեղեկացնում է, որ գյուղերում արձանագրվել են աղեստամոքսային հիվանդությունների դեպքեր, որոշ բնակիչների մոտ խոլերա եւ տիֆ են կասկածում: Ընդ որում, եղանակային պայմանների պատճառով փակվել են շատ դպրոցներ եւ բուժական հաստատություններ, նշում է հոդվածի հեղինակը, գրում է Gazeta-ն:
«Քանի որ առվակները չորանում են, մարդիկ ստիպված են ավելի մեծ հեռավորություններ հաղթահարել գետերից խմելու ջուր բերելու համար: Խմելու ջուրը համընդհանուր, սակայն կառավարելի խնդիր է: Այնուամենայնիվ, քանի որ շատ մարդիկ են խմում, լողանում եւ լվացք անում ջրում, այն կարող է լուրջ վտանգ ներկայացնել», - ասել է երաշտի հարցերով զբաղվող կազմակերպության ներկայացուցիչ Մեթյու Կանուան:
Հասարակական ակտիվիստ Սալլի Լոյդը պարբերականին պատմել է, որ տեղի բնակիչները սնվում են նույն կավով, որն ուտում են թռչուններն ու կենդանիները: Նա հավելել է, որ շատերը սկսել են իրենց սննդի մեջ թունավոր սնկեր ներառել, ինչի հետեւանքով մի քանի մարդ հիվանդանոցում է` կոմայի վիճակում:
Փորձագետներն անհանգստացած են ստեղծված իրավիճակով, որովհետեւ այն կարող է հանգեցնել տեղի հացահատիկային մշակությունների ոչնչացման, բայց նաեւ կարող է արտագաղթի պատճառ դառնալ:
Պետության կառավարությունը խոստացել է օգնություն տրամադրել տեղի բնակիչներին, սակայն վերլուծաբանները պնդում են, որ Պապուա-Նոր Գվինեայի իշխանությունները բավարար ջանքեր չեն գործադրում առկա խնդիրների լուծման համար:
