Նախընտրելի
Ամերիկացի լրագրող Հարթ Սիլին բանաստեղծական ժողովածու կկազմի ԱՄՆ-ի նախագահության հանրապետական թեկնածու Դոնալդ Թրամփի արտահայտություններից, գրում է The Washington Post թերթը:
Հարթ Սիլին քաղաքական գործչի հանրային ելույթներից, թվիթներից եւ քաղաքական հարցազրույցներից հավաքել է «դոնալդթրամպիզմները», որոնք հանպատրաստից բանաստեղծության պես են հնչում:
Պարբերականը օրինակ է բերում Թրամփի հանդիպումը մամուլի հետ, երբ նա հայտնել է, որ իր վրա հարձակվում են կանայք, որոնց մասին ինքը արհամարհական կարծիք է հայտնել: Սիլին հանրապետականի արտահայտությունը բանաստեղծության է վերածել «Այլասերված սկզբունք» վերնագրով: Հոդվածի հեղինակը օրինակ է բերում առաջին տողերը. «Ինձ վրա չարամտորեն հարձակվեցին այդ կանայք: Իհարկե նրանց համար դժվար է քննադատել արտաքինս, ես այնքան լավ տեսք ունեմ: Ինձ վրա չարամտորեն հարձակվեցին այդ կանայք», գրում է Gazeta-ն:
Պարբերականի տվյալների համաձայն, 224 էջանոց գիրքը լույս կտեսնի դեկտեմբերի 15-ին` HarrperCollins հրատարակչության կողմից: Նշվում է, որ հեղինակ Հարթ Սիլին առաջին անգամ չէ նման ժողովածուներ կազմում: Հինգ տարի առաջ նա հրապարակել էր «Բանականության բեկորներ. Դոնալդ Ռամսֆելդի էկզիստենցիալ պոեզիան», որում ԱՄՆ-ի պաշտպանության նախկին նախարարի խոսքերից հոկկուների հավաքու էր կազմել:
