նախընտրելի դարձնել
Չինական Չունցին քաղաքում Ցաո Յուեհուա եւ Վան Դեի ամուսինները ամուսնությունից 70 տարի անց որոշել են վերստեղծել իրենց ամուսնական լուսանկարը: Զույգը վերադարձել է երկրի հարավ-արեւմուտքում գտնվող այգի, որտեղ 1945-ի նոյեմբերի 24-ին նրանք ամուսնացել էին, գրում է Lenta-ն` վկայակոչելով Mashable-ին:
Ինչպես տեղեկացնում է պարբերականը, չինացիները, որոնք այժմ 98 տարեկան են, ծանոթացել էին 1943-ին` համալսարանական պարահանդեսի ընթացքում, երբ Յուհուան Դեիին պարի էր հրավիրել եւ հենց առաջին հայացքից սիրահարվել էր աղջկան: Տարեդարձի եւ ֆոտոսեսիայի կազմակերպման գործում նրանց զավակներն են օգնել: Չորս որդիներից ամենաերիտասարդը` 60-ամյա Ցաո Պանպեյը (Cao Pangpei) մասնակցել է ամուսնական զգեստի, քողի, ծաղիկների եւ փեսացուի համար սմոքինգի փնտրտուքին:
«Նրանք այնքան երկար են միասին եղել, սակայն նրանց սերը երբեք չի մարել: Մշակութային հեղափոխության ժամանակ հայրս ռազմաճակատ էր մեկնել: Նրանք աջակցել են իրար, չնայած դժվարություններին: Տարիքի պատճառով ծնողներս իրենց կյանքի ոչ բոլոր մանրամասներն են հիշում, սակայն մեզ համար կարդում են բանաստեղծություններ, որ գրել են պատերազմի ընթացքում», — ասել է Պանպեյը:
Զույգը կրկնել է 1945-ի ամուսնական լուսանկարը եւ 2005-ին` ամուսնության 60-ամյակի առիթով արված լուսանկարը:
