ՆախընտրելիԲրիտանական Daily Mirror պարբերականն աշխարհի «ամենասարսափելի» ամանորյա տոնածառն է փնտրում: Այն նշել է այդ կոչման 12 հավակնորդներին եւ ընթերցողներին կոչ արել սեփական տարբերակները ներկայացնել:
Մասնավորապես, պարբերականը հրապարակել է ավստրալական Հոբարտ քաղաքը «զարդարած» տոնածառի լուսանկարը: Որոշ տվյալներով, այդ մետաղական կառույցի համար տեղի խորհուրդը 35 հազար դոլար է ծախսել: Տոնածառը չի տպավորել տեղի բնակիչներին եւ համացանցում ծաղրի առարկա է դարձել:
Ցանկում հայտնվել է նաեւ տոնածառ, որի համար բրիտանական Բերսթոլի խորհուրդն ավելի քան 20 հազար ֆունտ է ծախսել: Ըստ Gazeta-ի, այն համեմատել են կախարդի եւ Միկի Մաուսի գլխարկի հետ:
Պարբերականին չի տպավորել նաեւ ավստրալական Լիսմորի՝ հեծանիվի անիվներից պատրաստված տոնածառը: Ամենավատ տոնածառի կոչմանը հավակնում է նաեւ Քարդիֆի «տարօրինակ ձեւ ունեցող ծառը»:
