նախընտրելի դարձնելԴեկտեմբերի 6-ին, ժամը 13.35-ին, ոստիկանության Վայքի բաժին ահազանգ է ստացվել, որ Վայոց ձորի մարզի Զառիթափ գյուղի 39/39 ընտրական տեղամասում, նույն գյուղի գյուղապետը ճնշում է գործադրում հանձնաժողովի նախագահի վրա, խոչընդոտում բնականոն աշխատանքին, իսկ տեղում ծառայություն կատարող ոստիկանության վերակարգը որեւէ միջոց չի ձեռնարկում։
Ոստիկանությունից NEWS.am-ին հայտնում են, որ ահազանգի հիման վրա ձեռնարկված միջոցառումների արդյունքում պարզվել է, որ համայնքի ղեկավարը ընտրատարածքում վիճել է հանձնաժողովի նախագահի հետ այն հարցի շուրջ, որ վերջինս տեսանկարահանում է կատարել ընտրատեղամասում։
Ոստիկանության աշխատակիցների կողմից իրավիճակը շտկվել է։ Հանձնաժողովի նախագահը հերքել է այն փաստը, որ ոստիկանության ծառայողները միջոցներ չեն ձեռնարկել։ Նշել է, որ ոստիկանները անմիջապես ձեռնարկել են անհրաժեշտ միջոցներ։
