նախընտրելի դարձնելՖինանսների նախարարության օպերատիվ հետախուզության վարչության 8-րդ բաժինը 2015-ն ամփոփում է հարկային հայտնաբերումների տպավորիչ ցուցանիշով. այն պետական բյուջե լրացուցիչ գանձման է առաջադրվել շուրջ 7.2 մլրդ դրամ:
Ֆինանսների նախարարության տարածած հաղորդագրության մեջ մասնավորապես, ասվում է.
«Ըստ ՖՆ ՕՀ եւ ՆԱ ԳՎ օպերատիվ հետախուզության վարչության պետի տեղակալ, խոշոր բիզնեսի վերահսկողությամբ զբաղվող 8-րդ բաժնի պետ Գերասիմ Մկրտչյանի, բացահայտված խախտումներն առնչվել են իրական շրջանառությունը թաքցնելուն, չդրոշմավորված ապրանքների իրացմանը եւ այլ դեպքերի: «8-րդ բաժնի կողմից նախաձեռնված, ինչպես նաեւ իրավապահ մարմինների պահանջով եւ նախարարության տարբեր ստորաբաժանումների հետ համատեղ իրականացված ստուգումներով պետական բյուջե լրացուցիչ գանձման է առաջադրվել շուրջ 7.2 մլրդ դրամ: Խոսքն այս դեպքում խոշոր լրացուցիչ հարկային պարտավորությունների մասին է, որն արձանագրվել է բաժնի հասցեական հսկողության արդյունքում»,-ընդգծել է Գերասիմ Մկրտչյանը:
ՀՀ ֆինանսների նախարարի հանձնարարությամբ դրոշմավորման կանոնների պահպանմանն ուղղված միջոցառումների արդյունքում նախապատրաստվել է 30 նյութ, որոնք ուղարկվել են ըստ ենթակայության` հետագա ընթացքը որոշելու նպատակով: Ընդհանուր առմամբ, բացահայտված դեպքերի հետագա ընթացքը որոշելու նպատակով 8-րդ բաժնի կողմից քննչական վարչություն է ուղղարկվել 6, ինչպես նաեւ ապօրինի ձեռնարկատիրության գործունեությամբ զբաղվելու 4 դեպք: Իսկ 4 տնտեսվարողի կողմից իրականացված ձեռնարկատիրական գործունեության արդյունքում հարկերից խուսափելու վերաբերյալ կազմվել են նյութեր եւ ուղարկվել նախարարության իրավախախտումների հայտնաբերման ու վարչական վարույթների իրականացման վարչություն: Գերասիմ Մկրտչյանի տեղեկացմամբ` 8-րդ բաժինը հետեւողական հսկողություն է իրականացրել նաեւ իրացման շղթայում խախտումների հայտնաբերման ուղղությամբ. «Այս տարվա ընթացքում իրականացված օպերատիվ-հետախուզական 161 միջոցառման արդյունքում արձանագրվել եւ պետբյուջե է գանձվել շուրջ 162 մլն դրամի լրացուցիչ հարկային պարտավորություն: Հարկային իրավախախտումների բացահայտման եւ կանխարգելման նպատակով բաժինը շարունակելու է հսկողական միջոցառումները` բացահայտելով օրենսդրությունը շրջանցելու փորձերն ու խախտումները»: Բացահայտումները փաստում են, որ բիզնեսի ամբողջ շղթայում` խոշորից մինչեւ փոքր, իրականացվող հսկողական միջոցառումներն արդյունավետ են:
