նախընտրելի դարձնելԴեկտեմբերի 18-ին, ժամը 13.30-ին, 1957 թ. ծնված Սերյոժա Թ.-ն ոստիկանության Վաղարշապատի բաժնում հաղորդում էր տվել, որ իր տան ննջասենյակի պահարանից, ապակյա տարայով, գողացել են 2.600.000 դրամ եւ 900.000 դրամ արժողության ոսկյա զարդեր:
Ոստիկանությունից NEWS.am-ին հայտնում են, որ դեկտեմբերի 22-ին, ժամը 15.30-ին, ոստիկանության ծառայողները բերման են ենթարկել տանտիրոջ դստերը` Արեւիկ Թ.-ին:
Պարզվել է, որ գումարը եւ ոսկյա զարդերը վերջինս է վերցրել իրենց տնից. գումարը ծախսել է իր կարիքների համար, իսկ ոսկյա զարդերը գրավադրել է Երեւան քաղաքի գրավատներից մեկում:
Ձեռնարկվում են միջոցառումներ ոսկյա զարդերը հայտնաբերելու ուղղությամբ:
Կատարվում է քննություն:
