նախընտրելի դարձնել2015-ին Հայաստանի պետական պաշտոնյաները սկսել են ավելի շատ հանգստանալ սոցիալական փաթեթով: Այդ մասին դեկտեմբերի 25-ին լրագրողներին ասել է Հայաստանի Էկոնոմիկայի նախարարության Զբոսաշրջության վարչության պետ Մեխակ Ապրեսյանը:
Նախարարությունը հետեւում է, որ հնարավոր չարաշահումներն այստեղ նվազագույնի հասցվեն, իսկ ծառայությունների որակն ավելի բարձրանա:
2015-ի հունվար-սեպտեմբերին պետության հետ համագործակցող 52 տուրօպերատորների ծառայություններից օգտվել է մոտ 100 հազար մարդ (պետծառայողները եւ նրանց ընտանիքները): Դա մոտավորապես 4,3 տոկոսով ավել է, քան 2014-ի նույն ժամանակահատվածում:
Նշենք, որ տարեկան 132 հազար դրամ (մոտ 275 դոլար, խմբ.) արժողությամբ սոցփաթեթը տրվում է մոտ 120 հազար պետծառայողների եւ կարող է օգտագործվել Հայաստանում կամ Ղարաբաղում հանգստի, հիփոթեքային վարկի մարման, ուսման վարձի վրա: 52 հազար դրամը պարտադիր կերպով ուղարկվում է բուժապահովագրությանը:
