նախընտրելի դարձնելFacebook սոցցանցի հիմնադիր Մարկ Ցուկերբերգը 2016-ը հայտարարել է Վազքի տարի: Այդ մասին նա գրել է Facebook-ի իր էջում: Ցուկերբերգը նաեւ հայտնել է, որ 2016-ին վազելու է 365 մղոն (587,4 կմ):
Ցուկերբերգը բոլոր ցանկացողներին առաջարկել է իրենց առաջ նման նպատակ դնել եւ Facebook-ում արդեն խումբ է ստեղծել, որտեղ խոստացել է հաշվետվություն ներկայացնել իր վազքի մասին: Գրությունը թողնելու պահին արդեն ավելի քան 80 հազար մարդ էր անդամագրվել խմբին:
«Դա մեծ տարածություն է, բայց ոչ խելագար: Դա օրական մեկ մղոն է, որի համար չափավոր տեմպով տասը րոպեից ավելի պետք չի լինի» , - գրել է Ցուկերբերգը:
Facebook-ի ղեկավարը նաեւ տեղադրել է մի քանի ամիս առաջ ընկերության աշխատակիցներ Քրիս Դենիելսի եւ Իմե Արչիբոնգի հետ Դելիում կատարած վազքի լուսանկարը:
Անցած հունվարին Ցուկերբերգը 2015-ն անվանել էր Գրքի տարի եւ խոստացել էր 2015-ին ամեն երկու շաբաթը մեկ մի նոր գիրք կարդալ:
