ՆախընտրելիՀայաստանի շրջանների մեծ մասում կիրակի` հունվարի 24-ին, սպասվում են տեղումներ. լեռներում եւ նախալեռնային շրջաններում՝ ձյուն, հովիտներում՝ թաց ձյուն: Օդերեւութաբանների նախնական կանխատեսումներով, հունվարի 25-ին եւ 26-ին ձյան տեղումները կշարունակվեն, որից հետո եղանակը կպարզվի:
Քամին՝ հյուսիս-արևմտյան՝ 8-12 մ/վրկ արագությամբ, կիրակի եւ երկուշաբթի տեղ-տեղ հնարավոր է քամու ուժգնացում մինչեւ 20-25 ն/վրկ: Ա
Առանձին շրջաններում սպասվում են բուք, ցածր տեսանելիություն, ճանապարհներին՝ մերկասառույց:
Ողջ հանրապետության տարածքում հունվարի 24-27-ին օդի ջերմաստիճանը աստիճանաբար կնվազի 12-15 աստիճանով:
Ինչպես NEWS.am-ին տեղեկացրել են «Հայպետհիդրոմետից», Երեւանում հունվարի 24-ին սպասվում է թաց ձյուն, իսկ երկուշաբթի եւ երեքշաբթի՝ ձյուն:
Գիշերը մայրաքաղաքում կլինի -1+1, ցերեկը՝ +1+3 աստիճան:
Շրջաններում օդի ջերմաստիճանը.
Շիրակում՝ գիշերը՝ -6-11, ցերեկը՝ -3-6,
Կոտայքում՝ գիշերը՝ -6-11, ցերեկը՝ -3-6,
Գեղարքունիքում՝ գիշերը՝ -6-11, ցերեկը՝ -3-6,
Լոռիում՝ գիշերը՝ -2-7, ցերեկը՝ 0-3,
Տավուշում՝ գիշերը՝ 0-3, ցերեկը՝ -2+1,
Արագածոտնի լեռներում՝ գիշերը՝ -6-11, ցերեկը՝ -3-6,
Արագածոտնի նախալեռներում՝ գիշերը՝ 0-3, ցերեկը՝ 0+3,
Արմավիրում՝ գիշերը՝ 0-2, ցերեկը՝ 0+3,
Արարատում՝ գիշերը՝ 0-2, ցերեկը՝ 0+3,
Վայոց Ձորի լեռներում՝ գիշերը՝ -6-11, ցերեկը՝ -3-6,
Վայոց Ձորի նախալեռներում՝ գիշերը՝ 0-2, ցերեկը՝ 0+3,
Սյունիքի հովիտներում՝ գիշերը՝ +1+4, ցերեկը՝ +2+7,
Սյունիքի նախալեռներում՝ գիշերը՝ 0-4, ցերեկը՝ 0+3,
Լեռնային Ղարաբաղում՝ գիշերը՝ 0+3, ցերեկը՝ +1+4։
