ՆախընտրելիԴաշնության խորհրդում աջակցում են ռուսաստանյան կառավարության եւ Ֆինանսների նախարարության` սպիրտի շուկայում մենաշնորհ սահմանելու վերաբերյալ նախաձեռնությանը: Այդ մասին «Մոսկվան է խոսում» ռադիոկայանին տեղեկացրել է վերին պալատի սոցիալական հարցերի կոմիտեի փոխնախագահ Իգոր Չեռնիշեւը:
Նրա խոսքով, նման միջոցները հնարավորություն կտան վաճառքից հանել «այն սպիրտը, որն այժմ մեզ մոտ խմելի է համարվում եւ որի պատճառով մարդիկ են թունավորվում»: «Այսօր սպիրտի վաճառքից ով ասես, հարստանում է, պետությունից բացի, որը հետո բուժում է հարբեցողությունից տառապող մարդկանց», — նշել է Չեռնիշեւը:
Բացի այդ, սենատորն ուշադրություն է դարձրել այն հանգամանքին, որ պետական մենաշնորհի սահմանումը զգալի գումար կբերի գանձարան:
Այն մասին, որ նախարարների խորհուրդը ֆինանսների նախարարության հետ համատեղ ուսումնասիրում է սպիրտի շուկայում մենաշնորհ սահմանելու հարցը, հունվարի 22-ին տեղեկացրել է փոխվարչապետ Ալեքսանդր Խլոպոնինը:
