նախընտրելի դարձնելՈստիկանության կողմից որպես անհետ կորած որոնվող՝ Շիրակի մարզի Քարաբերդ գյուղի 56-ամյա բնակիչ Ռոբերտ Մանուկյանը միայնակ է ապրում: Այս մասին NEWS.am-ին ասաց Քարաբերդի գյուղապետը:
Գյուղապետը տեղեկացրեց, որ Ռոբերտ Մանուկյանն ամուսնացած չէ, հայրը մահացած է, մայրը Հայաստանում չէ: Նա Քարաբերդում բարեկամներ ունի: Գյուղապետի տեղեկություններով նա չէր աշխատում:
Նշենք, որ Ռոբերտ Մանուկյանը հունվարի 18-ին տնից դուրս է եկել եւ նրա գտնվելու վայրի վերաբերյալ հարազատները մինչ օրս տեղեկություն չունեն:
Ռոբերտ Մանուկյանի արտաքին նկարագիրն է՝ հասակը` մոտ 160 սմ, միջին կազմվածքով, դեմքը` կլորավուն, մազերը` ալեխառն:
Նրա գտնվելու վայրի վերաբերյալ տեղեկություններ ունեցողներին Ոստիկանությունից խնդրում են զանգահարել ոստիկանության Անիի բաժին՝ 010-59-06-65, 0242-2-25-41 հեռախոսահամարներով, կամ դիմել ոստիկանության մոտակա բաժին, կամ զանգահարել 1-02:
