նախընտրելի դարձնելՌուսաստանի նախագահ Վլադիմիր Պուտինը հունվարի 26-ին Կոռուպցիային հակազդեցության խորհրդի նիստին հայտնել է, որ արդյունավետ է համարում ունեցվածքի առգրավումը նրանցից, ովքեր կաշառք են վերցնում:
Պետության ղեկավարի կարծիքով, նման միջոցը կօգնի պայքարել երկրի սահմաններից դուրս ռուսաստանցի պաշտոնյաների կողմից միջոցների անօրինական ստացման դեմ: Առաջարկվում է խլել քաղաքագետների անշարժ գույքը, որը գնվել է «հանցավոր» փողով:
«Պետք է կատարելագործել այնպիսի հակակոռուպցիոն մեխանիզմ, ինչպիսին է անօրինական կամ կասկածելի գումարներով, այդ թվում` միջազգային իրավական նորմերի խախտմամբ ձեռք բերված ունեցվածքի առգրավումը եւ պետության եկամտի վերածումը», — Ռուսաստանի նախագահին է մեջբերում «Ինտերֆաքսը»:
Պուտինն անհրաժեշտ է համարել այն ակտիվների վերադարձը, որոնք անօրինական կերպով հանվել են ռուսաստանյան իրավասությունից: Ռուսաստանի նախագահը նշել է, որ բոլոր չբացահայտված քրեական գործերով կաշառքի ընդհանուր գումարը 15,5 մլրդ ռուբլի է կազմում: Անցյալ տարի պետական գանձարան է վերադարձվել ընդամենը 588 մլն ռուբլի:
