նախընտրելի դարձնելԻրենց 4-5 ամսվա չստացած աշխատավարձը պահանջող Բյուրեղավանի Glass World Company շշերի գործարանի աշխատակիցնրն այսօր` փետրվարի 1-ին, հանդիպել են Կոտայքի մարզպետ Կարապետ Գուլոյանի հետ: Այս մասին NEWS.am-ի հետ զրույցում ասաց Glass World Company-ի աշխատակիցներից տիկին Անահիտը` հավելելով, որ մարզպետը խոստացել է 1 ամսվա ընթացքում լուծել աշխատակիցների աշխատավարձի խնդիրը:
«Մարզպետի հետ համաձայնության ենք եկել, կսպասենք, տեսնենք, եթե խոստացված ժամկետում չվճարեն մեր աշխատավարձը բողոքի ցույց կանենք: Այսօր ուզում էինք գալ Բաղրամյան 26-ի մոտ, բայց մարզպետի հետ համաձայնության եկանք»,-ասաց տիկին Անահիտը:
Նշենք, որ Glass World Company շշերի գործարանի շուրջ 150 աշխատակից պահանջում են իրենց 4-5 ամսվա չստացած աշխատավարձը: Գործարանի տնօրենը աշխատակիցներին խոստացել էր մինչեւ 2015թ. դեկտեմբերի 15-ը վճարել մի քանի ամսվա կուտակված աշխատավարձը, սակայն մինչեւ հիմա ոչ մի գումար չեն ստացել:
Ավելի վաղ NEWS.am-ը տեղեկացրել էր, որ Glass World Company ընկերության աշխատակիցները գործարանի դիմաց պարբերաբար բողոքի ակցիաներ են անցկացնում՝ իրենց աշխատավարձերի վճարման պահանջով:
