նախընտրելի դարձնելՆպատակային մրցույթով ընդունված ուսանողները պարտավոր կլինեն աշխատել ըստ նշանակման: Այդ մասին փետրվարի 2-ին խորհրդարանում հայտնել է գիտության եւ կրթության նախարար Արմեն Աշոտյանը` «Բարձրագույն եւ հետբուհական կրթության մասին» օրենքում 2-րդ ընթերցմամբ փոփոխությունների քննարկման ընթացքում:
Օրենքի նախագիծը նախատեսում է, որ առանձին, նպատակային մրցույթով ընդունված ուսանողները պարտավոր կլինեն առնվազն 3 տարի աշխատել պետության կողմից նշված վայրում: Այդ պայմանը չկատարելու դեպքում, շրջանավարտը, կառավարության կողմից սահմանված կարգով, պարտավոր կլինի փոխհատուցել ուսման վարձի եւ թոշակի կրկնապատիկը: Փոխհատուցման 70 տոկոսը բուհը կվերադարձնի բյուջե, իսկ 30 տոկոսը կկարողանա օգտագործել օրենքով սահմանված կարգով:
