նախընտրելի դարձնել
Բելգորոդում կսկսեն կատուների եւ շների համար հատուկ բաղադրատոմսով պաղպաղակ արտադրել: Այդ մասին հայտնում են տեղի ԶԼՄ-ները:
Մշակողների խոսքով, պաղպաղակը չի պարունակի շաքար, հոտավետ նյութեր եւ գունավորիչներ: Դրանում փոքր կլինի նաեւ կաթնային ճարպերի չափաքանակը, որոնք վատ են յուրացվում կենդանիների կողմից:
Արտադրության տեխնոլոգ Օքսանա Ալիեւան հայտնել է, որ կատուներն ու շները, մարդկանց նման, շոգ եղանակին զովանալ պահանջ են ունենում: Կենդանիների սիրահարները բազմիցս խնդրել են իրենց հովանավորյալների համար պաղպաղակ արտադրել, արդյունքում արդեն թողարկվել է սննդամթերքի փորձնական չափաքանակը:
Նա նաեւ հավելել է, որ նման պաղպաղակ կերած մարդուն ոչինչ չի սպառնում:
Բելգորոդյան անասնաբուժական կայանի պետ Սերգեյ Յակովլեւն ասել է, թե կենդանիներին չի կարելի կերակրել սովորական քաղցրեղենով, նրանք չունեն այնպիսի ֆերմենտ, որն օգնի յուրացնել շաքարը: Շաքարը կենդանիների օրգանիզմ է մտնում որպես լյարդի թունանյութ:
Նշվում է, որ կենդանիների համար քաղցրեղենն ի վերջո խանութներում կհայտնվի ամռանը:
