Նախընտրելի
Գերմանական դեղագործական հսկա Bayer-ը դիտարկում է ամերիկյան արգրոարտադրող Monsanto-ի հետ ձուլման հնարավորությունը, որի շուկայական կապիտալիզացիան գերազանցում է 40 մլրդ դոլարը, գրում է Financial Times-ը:
Նշվում է, որ եթե գործարքը տեղի ունենա, համաշխարհային շուկայում կհայտնվի սերմերի եւ պարարտանյութի խոշորագույն մատակարար: Միաժամանակ երկու ընկերության ներկայացուցիչները հրաժարվել են մեկնաբանել այդ հարցը:
FT-ն գրում է, որ դա վերջին ժամանակներս ագրոբիզնեսում առաջին խոշոր գործարքը չէ: Այսպես, մարտին հաղորդվել էր, որ Monsanto-ն կարող է միավորվել գերմանական քիմիական ընկերություններից մեկի հետ այն բանից հետո, երբ պարտվել էր բույսերի եւ սերմերի շվեյցարական խոշոր արտադրող Syngenta-ի համար պայքարում:
Syngenta-ն ընթացիկ տարվա փետրվարին համաձայնել էր միաձուլվել չինական ChemChina-ի հետ: Գործարքի ընդհանուր գումարը կգերազանցի 43 մլրդ դոլարը, ինչն այդ կդարձնի Չինաստանից ընկերության խոշորագույն արտասահմանյան գործարքը:
Եվս երկու խոշոր խաղացող` DuPont-ը եւ Dow Chemical-ը հայտնել են 2015-ի դեկտեմբերին միավորման մասին: Ստեղծվող ընկերության կապիտալիզացիան գնահատվում է 130 մլրդ դոլար, հայտնում է Gazeta-ն:
