Ռուսաստանի ԱԳՆ-ն «Եվրատեսիլ» երգի մրցույթի համար ծաղրական կրկներգ է հորինել: ԱԳՆ պաշտոնական ներկայացուցիչ Մարիա Զախարովան առաջարկել է հաջորդ մրցույթի ժամանակ Սիրիայի նախագահ Բաշար Ասադի մասին կոմպոզիցիա կատարել: Այս մասին նա գրել է Facebook-ում:

Հաղթել ցանկացողներին նա առաջարկել է հետեւյալ կրկներգը.

Assad bloody, Assad worst.

Give me prize, that we can host.

Այն կարելի է մոտավորապես այսպես թարգմանել. «Արյունոտ Ասադ, դու ամենավատն ես: Ինձ պարգեւ տվեք, որպեսզի մրցույթը մենք հյուրընկալենք»:

Մեկնաբանություններում օգտատերերից մեկը հարցրել է, արդյո՞ք չէր կարելի պարզապես ուրախանալ հարեւան երկրի հաղթանակի համար, ինչին Զախարովան պատասխանել է. «Շնորհավորում եմ»:

Նշենք, որ «Եվրատեսիլ»-ում հաղթեց Ուկրաինան ներկայացնող երգչուհի Ջամալան, որի երգը Ղրիմի թաթարների արտաքսման մասին էր: