Ամերիկյան ծագումով գործարար Պոլ Սեյլոն, որը ներկայումս Թայլանդում է ապրում, ուզում է վերստեղծել Նյու Յորքում  2001-ի սեպտեմբերի   11-ի ահաբեկչական գործողությունները, գրում է The Mirror-ը:

Սեյլոն ենթադրում է, որ նախագիծը թույլ կտա պատասխաններ ստանալ ողբերգության հետ կապված հարցերին եւ «մեկ անգամ եւ ընդմիշտ» բացահայտել դավադրության տեսության առասպելներն ու տեսությունները: Նա նախատեսում է քրաուդֆանդինգի օգնությամբ   1,4 մլրդ դոլար հավաքել փորձարկումն իրականացնելու համար եւ  «առաջին տեղերի համար տոմսեր» է վաճառում 5 հազար դոլարով:

Պլանի իրականացման համար գործարարին օգտագործված  «Բոինգ» պետք կլինի կամ այլ ինքնաթիռ համանման տեխնիկական բնութագրերով եւ դատարկ երկնաքեր գյուղական բնակավայրում: Ինքնաթիռը պիտի բախվի շենքի վերին հատվածին մոտավորապես    800 կմ/ժ արագությամբ:

«Եթե երկնաքերում ուղղակի ծխարձակող անցք առաջանա եւ ուրիշ ոչինչ չպատահի, ուրեմն այդ ամենը կեղծ էր, ճի՞շտ է» — հայտնել է Սեյլոն` հավելելով, որ փորձարկման արդյունքները «կարող են ոմանց վշտացնել»:

Թե ով է կառավարելու ինքնաթիռը փորձարկման ընթացքում, չի ճշտվում, հայտնում է   Gazeta-ն: