Նախընտրելի
Եվրոպայի Խորհրդի Խորհրդարանական Վեհաժողովի (ԵԽԽՎ) ղեկավար Պեդրո Ագրամունթը հարցրել է Պետդումայի ընտրություններին վեհաժողովի դիտորդներ ուղարկելու հնարավորության մասին, բայց ՌԴ-ի դիրքորոշումն անփոփոխ է. առաքելությունը չի կարողանա աշխատել, քանի դեռ ԵԽԽՎ-ում ռուսաստանյան պատվիրակության վրայից հանված չեն պատժամիջոցները: Այդ մասին հայտնել է Պետդումայի նախագահ Սերգեյ Նառիշկինը Ագրամունթի հետ հանդիպումից հետո:
«Եթե կուզեք, դա է գլխավոր պայմանը», - նշել է Նառիշկինը, հայտնում է ՏԱՍՍ-ը:
ԵԽԽՎ-ի նախագահ Պեդրո Ագրամունթի հետ բանակցությունների արդյունքում Նառիշկինը լրագրողներին հայտնել է, որ Ագրամունթը խնդրել է, որ Մոսկվա ժամանեն ԵԽԽՎ-ի քաղաքացիական խմբերի առաջնորդները: «Առայժմ մենք համաձայնություն չենք տվել, բայց ես չեմ բացառում նման հնարավորությունը», - ասել է Նառիշկինը:
Ինքը` Եվրոպայի Խորհրդի Խորհրդարանական Վեհաժողովի նախագահ Պեդրո Ագրամունթը Ռուսաստանի Դաշնության Խորհրդի պալատների նախագահների հետ հանդիպմանը Ռուսաստանը Եվրոպայի Խորհրդի կարեւոր անդամ է անվանել եւ ցանկություն է հայտնել որ ՌԴ-ն մասնակցի այդ կազմակերպության բոլոր միջոցառումներին:
ԵԽԽՎ-ի ռուսաստանյան պատվիրակությունը 2014-ի ապրիլին զրկվել էր բոլոր լիազորություններից Ուկրաինայի իրադարձությունների պատճառով: Ի պատասխան Ռուսաստանը հայտնել էր, որ դադարեցնում է իր մասնակցությունը ԵԽԽՎ-ի գործունեությանը ընդհուպ մինչեւ 2015-ի վերջ:
2016-ի հունվարին ՌԴ-ն հրաժարվել էր հայտ ներկայացնել 2016-ին լիազորությունների հաստատման համար:
Ավելի վաղ Նառիշկինը բազմիցս հայտնել էր, որ Պետդումայի 2016-ի սեպտեմբերի 18-ին ընթանալիք ընտրություններին ԵԽԽՎ-ի դիտորների ներկայությունն անհնար է, նկատի առնելով ռուսաստանյան պատվիրակության դեմ վեհաժողովի սահմանած պատժամիջոցները:
