Նախընտրելի
Լոս Անջելեսում ձերբակալել են ռուսաստանյան ծագմամբ Վիտալի Զդորովեցկուն, որը բարձրացել էր Hollywood նշանի վրա: Հնարքը պետք է նրա «Բնածին կատակասերներ» (Natural Born Pranksters) ֆիլմի գովազդային արշավի մաս դառնար, հայտնում է Variety-ն: Տղամարդուն հասցրել են տեղի ոստիկանական բաժանմունք, հայտնում է Lenta-ն:
Պարբերականը նշում է, որ Զդորովեցկին կարողացել է բարձրանալ D տառի վրա: Նա ձեռքում պաստառ է պահել «Ես վերադարձել եմ» գրությամբ: Մեկ ժամ նա, քողարկված, նկարահանել է:
Կատակասերին տուգանք է սպառնում հազար դոլարի չափով, ինչպես նաեւ մեկ ու կես տարվա բանտարկություն:
«Բնածին կատակասերները» ֆիլմի իրավունքը 2015-ին ձեռք է բերել Lionsgate ստուդիան: Ընկերությունը նախատեսել է այն թողարկել VoD ձեւաչափում (ըստ պահանջի տեսանյութ, առցանց կինոթատրոններ):
Զդորովեցկին ծնվել է Մուրմանսկում, բայց հետագայում Ռուսաստանից ԱՄՆ է տեղափոխվել: Նա հայտնի է իր կատակներով, որոնք անընդհատ հրապարակում է YouTube-ում: 2014-ին ֆուտբոլի աշխարհի առաջնության եզրափակիչ խաղի ընթացքում նա դաշտ էր վազել կրծքին «Բնածին կատակասեր» (Natural Born Prankster) գրությամբ, իսկ հետո փորձել էր համբուրել գերմանացի խաղացող Բենեդիկտ Հեվեդեսային:
