Հայաստանում օղու եւ ծխախոտի ակցիզային հարկը 2018/2021թթ. կբարձրանա: Այս մասին հունիսի 9-ին՝ խորհրդարանում Հարկային օրենսգրքի նախագիծը ներկայացնելիս, ասել է ՊԵԿ փոխնախագահ Վախթանգ Միրումյանը:

Հարկի բարձրացումը նախատեսվում է տարեկան 15 տոկոսով (օրենսգիրքն ուժի մեջ կմտնի 2018-ից) Եվրասիական միության մյուս հանրապետությունների դրույքների հետ ներդաշնակեցնելու համար:

«Այդուհանդերձ 2021-ին մեր դրույքները դեռ 20 տոկոսով ցածր կլինեն»,- ասել է Միրումյանը: