Ընտրական օրենսգրքի հարցում նկատելի է կողմերի դիրքորոշումների որոշակի մերձեցում: Այս մասին հունիսի 10-ին՝ խորհրդարանական ճեպազրույցների ժամանակ, ասել է ՀԱԿ խմբակցության ղեկավար Լեւոն Զուրաբյանը:

Նրա խոսքով՝ խմբակցությունը քննարկումներ է տանում, այդ թվում՝ բազմաթիվ օտարերկրյա դիվանագետների հետ: Արդեն հանդիպումներ են կայացել Եվրամիության ներկայացուցչի, ԱՄՆ դեսպանի, ռուսական շրջանակների հետ: «Իհարկե, անհրաժեշտ է հաշվի առնել նաեւ արտասահմանյան կառույցների կարծիքը, եթե պետությունը պատրաստվում է նրանց ներգրավել որպես դոնորների: ՀԱԿ-ը չի զիջում իր սկզբունքային պահանջները եւ հույս ունի հասնել բոլորի համար բարենպաստ արդյունքի»,- ասել է Զուրաբյանը:

Նշենք, որ նոր ԸՕ-ն ուժի մեջ է մտել հունիսի 1-ին: ՀԱԿ-ը հույս ունի դրանում փոփոխություններ կատարել նախքան 2017-ի խորհրդարանական ընտրությունները: