Կառավարությունը Ազգային ժողովին առաջարկել է առաջիկա երկուշաբթի արտահերթ նիստ հրավիրել։ Նիստը կմեկնարկի հունիսի 27-ին՝ ժամը 12։00–ին։ Օրակարգում կլինեն «Իրավական ակտերի մասին» օրենքում լրացումների նախագիծը, «Ընտրական օրենսգրքում փոփոխությունների եւ լրացումների մասին» օրինագիծը, «Մարդու վերարտադրողական առողջության եւ վերարտադրողական իրավունքի մասին» օրենքում փոփոխությունների նախագիծն ու այլ օրինագծեր։