Հայաստանի ժողովուրդը դեմ է ԵԱՀԿ Մինսկի խմբում Ռուսաստանի գործողություններին։ Այս մասին հուլիսի 5-ին ասել է «Ազգային ինքնորոշում» միավորման ղեկավար Պարույր Հայրիկյանը։ Նրա խոսքով՝ երկրի բնակիչներն իրենց բողոքը կհայտնեն հուլիսի 8-ի ակցիայի ժամանակ։

«Ռուսաստանը զենք է վաճառում, այդ թվում՝ զանգվածային ոչնչացման զենք։ Այդ պատճառով նա նպաստում է հակամարտության սրմանը, իսկ ԵԱՀԿ ՄԽ–ում նրա դերը ապակառուցողական է եւ ուղղված չէ ղարաբաղյան հակամարտության լուծման փորձերին եւ իսկական միջնորդությանը»,– ասել է նա։

Հայրիկյանի կարծիքով Ռուսաստանի եւ Թուրքիայի փոխհարաբերությունները հիմա չեն կարգավորվել, քանի որ գործնականում դրանք չէին էլ վատացել, քանի որ երկկողմ համաձայնագրերը չէին խզվել։ «Ռուսաստանի եւ Թուրքիայի հարաբերությունները միշտ էլ ծաղկել եւ բարգավաճել են հայերի հաշվին»,– հավելել է նա։