Հայաստանի նոր Սահմանադրությունը նվազեցրել է քաղաքացու դերը եւ սահմանափակել երկրում ժողովրդավարությունը։ Այս մասին հուլիսի 5-ին լրագրողներին ասել է «Ազգային ինքնորոշում» միավորման ղեկավար Պարույր Հայրիկյանը։

Նրա խոսքով՝ Սահմանադրությունն արժեք ունի միայն այն ժամանակ, երբ հասարակությունը հասկանում է խոսքի արժեքը։ Որպես օրինակ՝ նա բերեց Մեծ Բրիտանիան, որտեղ մինչեւ հիմա Սահմանադրություն չկա, բայց հասարակական կյանքի կազմակերպումը ծագում է 13-րդ դարի Ազատությունների կանոնադրությունից։ «Իսկ եթե համընդհանուր համաձայնությամբ ընդունել հիմնական օրենքը, որն արտահայտում է ազգային փորձը, դա կարող է հիմքերի հիմքը դառնալ»,- վստահություն է հայտնել Հայրիկյանը։

Այստեղ նա թողեց Սահմանադրության թեման՝ անցնելով երկրի սահմանադրական կառուցվածքի մեջ սեփական դերին։ «Այդ դերը դժվար է գերագնահատել։ Ես մեծագույն դեր եմ խաղացել։ Ես գրքեր եմ գրել՝ «Հայաստանի սահմանադրական կառուցվածքի հիմնադիր Պարույր Հայրկյան» անվանմամբ։ Ես գիտեմ իմ նշանակությունը։ Հայաստանի Սահմանադրության մասին ես խոսել եմ դեռ 1976-ին»,– ասել է Պարույր Հայրիկյանը։