Երեւանում մեկնարկել է «1000+1 դիտահոր» նախագիծը, որի շրջանակում նկարազարդվելու են մայրաքաղաքի դիտահորերը:

Նախագծի հեղինակներն են ImYerevan.com պորտալը և Քաղաքային ինկուբատոր Երևան 2.0-ն: Նրանք նպատակ ունեն գեղեցկացնել մայրաքաղաքը՝ այն առավել հետաքրքիր ու գրավիչ դարձնելով զբոսաշրջիկների համար:

Դիտահորերը զարդարվելու են 4 տարբեր ոճերով:

1. Պատմական՝ հին մետաղադրամների նման կամ օգտագործելով հայկական զարդանախշերը:

2. Ժամանակակից արվեստ՝ նկարազարդում և գրաֆիկական դիզայն:

3 Նավիգացիոն՝ մայրաքաղաքում հայտնի ու հետաքրքիր վայրեր ճանապարհների նշումներով։

4. Կրթական՝ հետաքրքիր փաստեր, արտահայտություններ կամ մեջբերում հայտնի հայերից:

Նշենք, որ նկարազարդված առաջին դիտահորը, որը գտնվում է Ազատության հրապարակում, նվիրվել է Արամ Խաչատրյանի «Գայանե» բալետին: