Գիտնականներին հաջողվել է գնահատել տեսակների էվոլյուցիայի գործում առաջին երկրային բույսերի դերը:  Էկսետերի համալսարանի գիտնականները (Մեծ Բրիտանիա) համակարգչային մոդելավորման միջոցով պարզել են, որ թթվածնի` կյանքի համար պիտանի  խտության ապահովման գործում վճռորոշ դեր է խաղում մամուռը, հայտնում է    Informing-ը: 

Մասնագետների խոսքով, թթվածինը մեր մոլորակի մթնոլորտում հայտնվել է մոտ 2,4 մլրդ տարի առաջ:

Սակայն, մոտ 400 մլն տարի առաջ դրա խտությունն այնպիսի մակարդակի է հասել, որն անհրաժեշտ է բարդ օրգանիզմների զարգացման համար: 

Հաշվի առնելով, որ մամուռն առաջին բույսն է, որը գաղութացրել է մոլորակը, հենց դրա շնորհիվ է Երկրի մթնոլորտում աճել թթվածնի մակարդակը` խթան հանդիսանալով կյանքի զարգացման համար: 

Օդի թթվածնով հագեցման գործընթացը համեմատաբար արագ է ընթացել, ընդամենը   50 մլն տարում:

Մասնագետները նշում են, որ Երկրի վրա ամենավաղ բույսերը զարմանալիորեն բեղուն էին եւ եւ մեր երկրի մթնոլորտում թթվածնի պարունակության էական բարձրացում են առաջացրել: