Նախընտրելի
Շվեդիայի հարավում գտնվող Հեսսլեհոլմ քաղաքի հոգեբուժարանից հիվանդ է փախել, հայտնում է The Local-ը:
Ինքնահռչակ «վհուկների որսորդը» օգտվել է նրանից, որ հիվանդանոցի անձնակազմը նրան թույլ է տվել 15 րոպեանոց զբոսանքներ կատարել, եւ փախել է: Ոստիկանությունը ենթադրում է, որ նա ուղղվել է Մալմյո քաղաք` գտնելու նախկին կնոջը, որն ապրում է այլ անունով:
Հենց Մալմյոյում էլ նա անցյալ աշնանը ձերբակալվել է իր կնոջ եղբոր տան մոտակայքում: 2016-ի փետրվարին նրան հարկադիր բուժման են դատապարտել. 38-ամյա տղամարդը խոստովանել է, որ ծրագրել էր առեւանգել, կապկպել, գլխատել եւ այրել ազգականին: Ոստիկանությունը նրա համակարգչում 56 մարդուց կազմված ցուցակ է հայտնաբերել, որոնց նա ընտրել էր որպես զոհ:
Դատարանում նա հայտնել է, որ վհուկների որս է իրականացնում եւ որ իրեն աջակցում են երկրի հատուկ ծառայությունները: «Աստված է մեր դատավորը: Իմ մատը մեղավորին է մատնանշում», — պարզաբանել է նա:
