նախընտրելի դարձնելՄիջազգային ասպարեզում ՆԱՏՕ-ի ագրեսիվ դիրքորոշումը սպառնալիք է ստեղծում եվրոպական մայրցամաքի խաղաղության համար, համարում է գերմանական Der Freitag ամսագրի սյունակագիրը։
Նա կարծում է, որ սառը պատերազմի ավարտից հետո դաշինքը «ինքնության լուրջ ճգնաժամ» է ապրում։ Հեղինակը շեշտում է, որ Վարշավայի պայմանագրի կազմակերպության լուծարումից հետո դաշինքը վերածվել է «անցյալի վերապրուկի»։ ԸՆդ որում ՆԱՏՕ-ի լուծարումով՝ արևմտյան երկրները կարող էին զգալիորեն նպաստել խաղաղությանը։
«Պատմության մեջ միակ անգամ մենք հնարավորություն ունեինք սկսել համընդհանուր զինաթափում, անցնել համընդհանուր ապառազմականացման,- համարում է Ռայմանը,- Սակայն ՆԱՏՕ-ն մերժեց խաղաղ ճանապարհը, դա են հաստատում թվերը, դաշինքի երկրներին է բաժին հասնում աշխարհի ռազմական ծախսերի 60 տոկոսը»։
Հեղինակը նաեւ անդրադարձել է դեպի Արեւելք ՆԱՏՕ- ի ընդլայնմանը։ Նրա կարծիքով այն ոչ մի կերպ կապակցված չէ ժողովրդավարության կամ ազատական արժեքների պաշտպանության հետ ու ագրեսիվ բնույթ ունի։
Ամփոփելով՝ սյունակագիրը նորից ուշադրություն է հրավիրում դաշինքի ագրեսիվ բնույթին։ Ընդ որում դաշինքի հիմնարար փաստաթղթով, որը կնքվել է 1949-ին, անդամ երկրները պարտավոր են նպաստել միջազգային խաղաղության ու անվտանգության ամրապնդմանը։
