նախընտրելի դարձնել2017 թվականի մարտի 6-ին ՀՀ ԱՆ Քրեակատարողական հիմնարկներում եւ մարմիններում հասարակական վերահսկողություն իրականացնող դիտորդները, այցելություն են կատարել «Երեւան Կենտրոն» ՔԿՀ:
Այցելություն կատարվել է 03.05.2017թ-ին մամուլում տեղ գտած հայտարարության հիման վրա՝ «Վահան Շիրխանյանը հայտնվել է ՔԿՀ ամենավատ ու գերխոնավ խցում՝ պաշտպանը ահազանգում է»:
Անդամների ցանկությանը՝ հանդիպել եւ զրուցել Վ Շիրխանյանին, ՔԿՀ անձնակազմը պատասխանել է, որ Վ. Շիրխանյանի տեսակցությունների կապակցությամբ առկա է քննիչի որոշում, որով արգելվում է վերջինիս կապը արտաքին աշխարհի հետ: Այդ արգելքը տարածվել է նաեւ հասարակական դիտրոդների նկատմամբ:
Դիտորդները ցանկություն են հայտնել առանց Վ. Շիրխանյանին տեսակցելու, առանց վերջինիս հետ հանդիպելու, իրականացնել իրենց լիազորությունը՝ այն է դիտարկել խուցը, որտեղ պահվում է Վ.Շիրխանյանը:
Վայրկյաններ անց ՔԿՀ անձնակազմը տեղեկացրել է սակայն, որ Վ. Շիրխանյանը «ի վիճակի չէ դուրս գալ խցից»:
Հաշվի առնելով վերը ներկայացվածը՝ դիտորդների խումբը արձանագրում է, որ՝
• Նման սահմանափակումները՝ ի դեմս Վ. Շիրխանյանին տեսակցել եւ վերջինիսի հետ զրուցել արգելելը, կամայական խոչընդոտ է դիտորդների օրինական աշխատանքի համար
• Նման արգելքը ողջամիտ կասկածներ է հարուցում այն մասին, որ «Երեւան Կենտրոն» ՔԿՀ-ում Վ. Շիրխանյանի պահման պայմանների վերաբերյալ տարածված տեղեկատվությունը հավաստի է:
Կից կարող եք ծանոթանալ Դիտորդների խմբի գործունեությանը խոչընդոտելու վերաբերյալ արդարադատության նախարարություն ուղարկված Խմբի դիրքորոշումը, ինչպես նաեւ նախարարության պատասխան գրությանը:
