նախընտրելի դարձնելՀՀ գյուղատնտեսության նախարար Իգնատի Առաքելյանն այսօր ընդունել է KFW բանկի համայնքային ենթակառուցվածքային ծրագրերի տարածաշրջանային ղեկավար Մարիոն Քնիշի գլխավորած պատվիրակությանը, որի հետ քննարկել է ոռոգման համակարգի արդիականացման խնդիրները:
Գյուղնախարարությունից NEWS.am-ին հայտնում են, որ հանդիպմանը ներկա էին նաեւ բանկի գլխավոր ինժեներ Թոմաս Վոլֆը, KFW բանկի հայաստանյան ներկայացուցիչ Զառա Չատինյանը:
Ողջունելով հյուրերին` ՀՀ գյուղատնտեսության նախարար Իգնատի Առաքելյանը բարձր է գնահատել Հայաստանում KFW բանկի ծավալած գործունեությունը եւ օժանդակության ծրագրերի իրականացումը տարբեր ոլորտներում:
Հանդիպման ընթացքում կողմերը քննարկել են երկկողմ համագործակցությանն առնչվող հարցեր, մասնավորապես ոռոգման համակարգի արդիականացման ու կատարելագործման ծրագրերի շրջանակում:
Անդրադարձ է կատարվել նաեւ Կապսի ջրամբարի վերակառուցման ծրագրի իրականացմանը, որի շահագործումը հնարավորություն կտա ավելացնել ոռոգելի հողատարածքները:
Հանդիպման ընթացքում կողմերը մտքեր են փոխանակել նաեւ երկուստեք հետաքրքրություն ներկայացնող մի շարք այլ հարցերի շուրջ:
