նախընտրելի դարձնելBeeline-ը հայտարարում է Ավրորա վիզուալ ռադիոալիքի ավելացման մասին BeeTV բջջային հավելվածում:
Շարունակելով ընդլայնել Բջջային Հեռուստատեսության BeeTV բջջային հավելվածի հնարավորությունները Beeline-ը Ռադիո Ավրորայի հետ համագործակցության արդյունքում տրամադրում են բացառիկ հնարավորություն առաջին անգամ Հայաստանում անվճար դիտել Ավրորա վիզուալ ռադիոն ամբողջ Հայաստանում: Ավրորա վիզուալ ռադիոն հասանելի է նաեւ բոլոր Quatro ծառայության փաթեթի բաժանորդներին:
Հայաստանում Beeline-ը տրամադրում է BeeTV բջջային հավելվածը: Յուրաքանչյուր հաճախորդ, ով ունի սմարթֆոն կամ պլանշետ, որոնք աշխատում են iOS и Android օպերացիոն համակարգերով կարող են հավելվածի միջոցով դիտել ավելի քան 130 հեռուստաալիք ողջ երկրով մեկ:
«Beeline-ը մշտապես փորձում է հաճախորդներին առաջարկել ժամանակակից, պարզ եւ հարմար լուծումներ: Ուրախ ենք, ռադիո Ավրորայի հետ համատեղ հայտարարել այս եզակի նախագծի գործարկման մասին, որը թույլ կտա BeeTV բջջային հավելվածի միջոցով դիտել եւ լսել Հայաստանի ամենաճանաչված ռադիոկայաններից մեկն ոչ միայն Երեւանում, այլ նաեւ ողջ Հայաստանում: Դիտելու համար անհրաժեշտ է Google Play-ից կամ Apple App-ից ներբեռնել BeeTV բջջային հավելվածը եւ վայելել Ավրորա վիզուալ ռադիոն HD որակով: Իսկ ցուցադրման բարձր որակը եւ catch-up-ի հնարավորությունը հաճելի կդարձնեն սիրելի հեռուստալիքների դիտումն ամենուր», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Հիշեցնենք, որ 2017թ-ի մարտի 8-ին Beeline-ը մեկնարկել էր աննախադեպ ակցիա՝ Բջջային Հեռուստատեսություն բջջային կապի բոլոր բաժանորդների համար, որը գործում է մինչեւ սույն թվականի մայիսի 9-ը ներառյալ: Ակցիայից օգտվելու համար անհրաժեշտ է ունենալ սմարթֆոն եւ ներբեռնել BeeTV բջջային հավելվածը: Այնուհետեւ, հնարավոր կլինի դիտել 15 ամենադիտվող ալիքները։ Այս ակցիան հասանելի է Հայաստանի բջջային կապի բոլոր բաժանորդների համար. ընդ որում Beeline բաժանորդների համար զրոյացվում է նաեւ տվյալ հավելվածից օգտվելու ժամանակ ծախսված ինտերնետի տարիֆիկացումը, իսկ այլ օպերատորների բաժանորդներն ինտերնետի համար վճարում են ըստ իրենց սակագնային փաթեթի:
Լրացուցիչ տեղեկատվություն կարող եք ստանալ www.quatro.beeline.am կայքում, հաղորդագություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 0611 անվճար համարին կամ մոտակա Beeline գրասենյակում:
Նշենք, որ հեռարձակումն իրականացվում է «Cross HI-TECH»-ի կողմից:
