նախընտրելի դարձնելՈչ ոք չի հավատում, որ ներկայում ղարաբաղյան հակամարտության կարգավորման որեւէ տարբերակի իրականացման հեռանկարներ կան: Օգոստոսի 25-ին «Մեդիա կենտրոնում» նման կարծիք հայտնեց քաղաքագետ Ստեփան Սաֆարյանը:
Նրա խոսքով՝ համապատասխան հեռանկարների բացակայությունը պայմանավորված է բարդ եւ անզիջում իրավիճակով, որը ձեւավորվել է 2016 թվականի ապրիլից հետո: «Չեմ կարծում, որ որեւէ մեկը, այդ թվում՝ համանախագահող ԱՄՆ-ն, այնքան միամիտ է, որպեսզի լրջորեն մտածի այդ մասին»,- նշեց քաղաքագետը:
Ռիչարդ Հոգլանդի հայտարարությունում եւ դրան հետեւած արձագանքում Սաֆարյանը երեք կարեւոր բան է նկատել. պաշտոնական Երեւանը զարմանալիորեն արագ արձագանքեց: Սակայն նախարարը նախ մի բան ասաց, իսկ հետո՝ երեկոյան, անճշտություններ նկատեց Հոգլանդի հայտարարությունում: Երրորդն այն է, եւ շատերը դա նկատեցին, որ Հոգլանդն իսկապես ոչ մի նոր բան չասաց: Ժամանակին գրեթե նույն հայտարարությունն է արել նաեւ Մեթյու Բրազյան:
Ստեփան Սաֆարյանի խոսքով՝ հայտարարությունը կապված էր Սոչիում Պուտին-Սարգսյան հանդիպման հետ: Այդ համատեքստում նա հիշեցրեց, որ մեկ ամիս առաջ Պուտինը հանդիպեց նաեւ Ալիեւի հետ: Իսկ սեպտեմբերին հանդիպում է ծրագրվում ԱԳ նախարարների մակարդակով, եւ Ռուսաստանը կցանկանար, որպեսզի շարունակվեր Սանկտ Պետերբուրգում, բայց ոչ Վիեննայում սկսված «գիծը»:
«Ուրեմն ի՞նչ է ուսումնասիրում Հոգլանդը: ԱՄՆ-ն, որը չէր կարող 100%-ով տեղյակ լինել Պուտինի եւ Սարգսյանի բանակցություններից, փորձում էր պարզել, արդյո՞ք հայկական կողմի դիրքորոշման մեջ որեւէ փոփոխություն է տեղի ունեցել: Եվ արդյո՞ք Հայաստանը երկրորդ անգամ կներգրավվի գործընթացում, որը հանգեցրեց հայտնի արդյունքների»,- հայտարարեց Սաֆարյանը:
