Վայոց Ձորի մարզի Վայք քաղաքի հարակից տարածքում օգոստոսի 28-ին արտակարգ դեպք է տեղի ունեցել։ NEWS.am-ին հայտնի է դարձել, որ  կեսգիշերն անց Վայքի Զառիթափ-Մարտիրոս ճանապարհահատվածում  «Ջիփ Վրանգլեր» մակնիշի մեքենան  ընթացքի ժամանակ բռնկվել է։  Մեքենան ամբողջությամբ այրվել է։

Մենք տեղեկացանք, որ վարորդին հաջողվել է հրդեհի ընթացքում մեքենայից դուրս գալ առանց լուրջ վնասվածքներ ստանալու։ Դեպքի վայր են ժամանել փրկարարները։  

Նշված գործով  քննություն է կատարվում։ Թե ինչի հետեւանքով է հրդեհը բռնկվել, հայտնի կլինի փորձաքննության արդյունքներից հետո։