Բրազիլիայի գերագույն դատարանը թույլատրել է կոռուպցիայի մասին նոր հետաքննություն սկսել նախագահ Միշել Թեմերի դեմ։

Դատավոր Լուիս Ռոբերտո Բարուզուն որոշել է, որ դատախազներն ունեն հիմքեր հետաքննության համար, որպեսզի պարզեն՝ արդյոք Թեմերն օգտագործել է իր լիազորությունները Սանտոս նավահանգիստում աշխատող ընկերության շահերի համար։

Եթե դատախազները վճռեն պաշտոնապես մեղադրել Թեմերին կոռուպցիայի մեջ, Կոնգրեսի երկու երրորդը պետք է քվեարկի նախագահի դեմ նոր դատական գործ հարուցելու օգտին։