Ջերմուկում բարեկարգման աշխատանքներ կիրականացվեն։ Այս մասին համապատասխան որոշումն ընդունվել է սեպտեմբերի 22-ին Կառավարության նիստում։ Նոր աշխատանքների համար 245 մլն դրամ է անհրաժեշտ, որոնք հնարավոր է եղել հավաքել էլեկտրոնային գնումների հաշվին։ Այդ միջոցներից 140 մլն դրամը կուղղվի բնակելի տների տանիքների եւ բակերի բարեկարգմանը, ինչպես նաեւ քաղաքի կենտրոնում՝ կիրճերի մոտ, սանդուղքների եւ ճաղաշարերի շինարարությանը։