Պակիստանի դատարանը երկրի նախկին վարչապետ Նավազ Շարիֆին կալանավորելու թույլտվություն է տվել հակակոռուպցիոն գործի լսմանը չներկայանալու կապակցությամբ, հայտնում է Geo TV–ն։

Կալանքի օրդերը գրավի դիմաց ազատվելու հնարավորություն է նախատեսում։ Շարիֆը պանամական փաստաթղթերի հրապարակումից հետո հակակոռուպցիոն հետաքննության շրջանակում մեղադրվում է միանգամից 3 կետով։

Շարիֆի փաստաբանը թույլտվություն էր ստացել դատական լսումներում ներկայացնել նրա շահերը նախկին վարչապետի բացակայության պայմաններում, սակայն այդ արտոնության ժամկետն արդեն լրացել է։

Շարիֆի փաստաբան Հավաջա Հարիսը փորձել է դատավորին համոզել, որ իր պաշտպանյալը չի կարող ներկա գտնվել դատական դահլիճում իր կնոջ՝ Բեղում Քուլսումի հիվանդության պատճառով, սակայն դատարանը պաշտպանել է մեղադրական կողմին։

Geo TV–ի տեղեկություններով՝ այս պահին Շարիֆը Սաուդյան Արաբիայում է իր մոր հետ։