նախընտրելի դարձնելՊարսից ծոցի երկրները Կատարի հետ առճակատման մեջ են նրա անկախ դիրքորոշման պատճառով եւ ձգտում են երկրում ռեժիմի փոփոխության, բայց Կատարն իր անկախությունից երբեք չի հրաժարվի, չնայած ճգնաժամի կարգավորման ցանկություն ունի: Այս մասին հայտարարել է Կատարի էմիր Թամիմ բեն Համադ Ալ Թանին, փոխանցում է «ՌԻԱ Նովոստի»-ն:
«Նրանց դուր չի գալիս մեր անկախությունը, տարածաշրջանի զարգացման վերաբերյալ մեր սեփական կարծիքը»,- ասել է նա ամերիկյան CBS-ի «60 րոպե» ծրագրի շրջանակում տեղի ունեցած հարցազրույցում:
Նրա խոսքով՝ իր ընդդիմախոսներին, մասնավորապես, դուր չի գալիս ժողովրդավարության ձգտելը, որ Կատարն աջակցում է «Ալ Ջազիրա» հեռուստաալիքին: «Սակայն մենք «Ալ Ջազիրան» չենք փակի… Մենք ցանկանում ենք, որ սա ավարտվի, շատ ենք ցանկանում, սակայն մենք մեր անկախությունից չենք հրաժարվի»,- ասել է նա:
Հարցին՝ Պարսից ծոցի երկրները ռեժիմի փոփոխություն ցանկանո՞ւմ են, Ալ Թանին պատասխանել է. «Այո, նրանք ռեժիմի փոփոխություն են ցանկանում»:
