նախընտրելի դարձնելԵվրամիությունում Կատալոնիայի մշտական ներկայացուցչության ղեկավար Ամադեու Ալտաֆաջը, իսպանական այդ շրջանի անկախության հանրաքվեի բանաձեւի ընդունումից հետո ազատված ավելի քան 140 կատալոնացի պաշտոնյաների ցանկում է հայտնվել: Այս մասին երկուշաբթի հաղորդել է Politico եվրոպական թերթի կայքը:
«Մադրիդը ԵՄ-ում Կատալոնիայի դեսպանին ազատել է», - գրում է թերթը:
Կատալոնիայի խորհրդարանը ուրբաթ տարածաշրջանի անկախության մասին բանաձեւ է ընդունել: Մեկ ժամ անց Իսպանիայի Սենատը հաստատել է Սահմանադրության 155-րդ հոդվածի կիրառումը, որը Իսպանիայի իշխանություններին Կատալոնիայում ուղղակի կառավարում է թույլ տալիս: Իսպանիայի վարչապետ Մարիանո Ռախոյը ինքնավարության կառավարության անդամների, այդ թվում նրա ղեկավար Կառլես Պուչդեմոնի ազատման, խորհրդարանի լուծարման եւ Կատալոնիայում դեկտեմբերի 21-ին վաղաժամ ընտրությունների մասին էր հայտարարել:
Կատալոնիայի ղեկավարի գործառույթները փոխանցվել են Իսպանիայի փոխվարչապետ Սորայա Սաենս դե Սանտամարիային: Պուչդեմոնը շաբաթ հրաժարվել է ընդունել Իսպանիայի կառավարության կողմից ինքնավարության մեջ ուղղակի կառավարում մտցնելու մասին որոշումը եւ ժողովրդին «ժողովրդավարական դիմադրության» կոչ է արել:
