նախընտրելի դարձնելՂրղզստանում նախագահ ընտրված Սորոնբայ Ժենբեկովը առաջիկա երեսուն օրվա ընթացքում կստանձնի պաշտոնը: Այս մասին Բիշքեկում Կենտրոնական ընտրական հանձնաժողովում ընտրությունների ու հանրաքվեների վերաբերյալ նիստի ժամանակ ասել է ԿԸՀ նախագահ Նուրժան Ժայլդաբեկովան:
«Նոր նախագահի երդման արարողությունը պետք է տեղի ունենա ոչ ուշ, քան մինչեւ այս տարվա դեկտեմբերի 1-ը», - ասել է նա:
Ըստ նրա՝ Ժենբեկովի պաշտոնը ստանձելու ճշգրիտ ժամկետը որոշելու համար Կենտրոնական ընտրական հանձնաժողովը պետք է խորհրդակցի խորհրդարանի, ինչպես նաեւ ներկայիս նախագահ Ալմազբեկ Աթամբաեւի հետ:
Ղրղզստանի ԿԸՀ-ն երկուշաբթի պաշտոնապես հրապարակեց հոկտեմբերի 15-ի նախագահական ընտրությունների արդյունքները: Հաղթողը Ժենբեկովն էր, ով ընտրողների ձայների ավելի քան 54 տոկոսն է հավաքել:
