նախընտրելի դարձնելՆոր Զելանդիայի իշխանությունները որոշել են յուրովի մոտենալ ջրամբարների մոտ անվտանգության քարոզչությանն ու Instagram-ում գերանդին ձեռքին մահվան ծովափնյա զվարճանքների մասին բլոգ են ստեղծել: Այդ մասին հաղորդում է «Մոյա պլանետան»:
Մահվան խավար խորհրդանիշը զվարճանում է՝ ստիպելով Ձեզ նախանձել. «Նույնիսկ մահն ավելի հետաքրքիր կյանք ունի, քան ես»:
Գերանդիով կինը ծովափնյա վոլեյբոլ է խաղում, լողում է փչովի վարդագույն հովազի վրա, լուսանկարվում է գեղատեսիլ ջրվեժի մոտ, կոկտեյլներ է վերցնում, հանգստացողներին է հետեւում բարձրադիր խցից, կարծես պատրաստ՝ ցանկացած պահի մոտենալ խեղդվողին:
Կոշտ գովազդային արշավն ուղղված է 18-24 տարեկան տղամարդկանց: Ինչպես ցույց են տվել հետազոտությունները, քաղաքացիների հենց այդ խումբն է առավել հաճախ մահվան ռիսկի ենթարկվում Նոր Զելանդիայի ծովի, լճերի ու գետերի ափամերձ հանգստավայրերում: Կառավարությունը որոշել է այսպիսի անսովոր ձեւով դիմել երիտասարդներին՝ հրաժարվելով ավանդական սոցիալական հեռուստագովազդից:
