Միքելանջելոյի հանրահայտ «Դավիթ» մարմարե արձանի պատկերն այսուհետ արգելվում է կոմերցիոն նպատակներով օգտագործել Իտալիայի եւ Եվրոպայի ողջ տարածքով, փոխանցում է ՏԱՍՍ-ը:

Այդպիսի որոշում է ընդունել Ֆլորենցիայի տրիբունալը՝ պետական փաստաբանական գրասենյակի Visit Today ընկերության դեմ հայցի վերանայման արդյունքում: Վերջինս բարձր գներով վաճառել է  Ֆլորենցիայի Նրբագեղ արվեստների ակադեմիայի պատկերասրահի տոմսերը, որտեղ պահվում է Վերածննդի նկարչի ու քանդակագործի գլուխգործոցը՝ առանց համապատասխան թույլտվության օգտագործելով արձանի պատկերը գովազդային վահանակների եւ այլնի վրա:

Բացի այդ, ընկերությանն ստիպել են առգրավել «Դավիթի» պատկերով  տպագրական եւ այլ բնույթի ողջ աարտադրանքը, ինչպես նաեւ կայքից հանել նրա պատկերը: Ցանկացած շեղում եւ խախտում կտուգանվի օրը 2 հազար դոլարի չափով: 
Դատարանը ճանաչել է հեղինակային իրավունքների ու  արվեստի ազգային մշակութային ժառանգություն ներկայացնող ստեղծագործության պատկերի տնօրինման իրավունքների խախտում: 
Ակադեմիայի ղեկավարությունը դատական որոշումը պատմական է համարել: