Դանակով զինված տղամարդը Չինաստանի Հայնան նահանգում վիրավորել է տարրական դպրոցի 5 աշակերտի, հայտնում է Nanguo Dushibao–ն։

Միջադեպը տեղի է ունեցել Վենչեն քաղաքում վաղ առավոտյան։ Անհայտ տղամարդը մտել էր դպրոցի տարածք եւ դանակով վիրավորել 5-րդ դասարանի 5 աշակերտի։

Այս պահին դպրոցականները հոսպիտալացվել են։ Նրանց կյանքին վտանգ չի սպառնում։

Ոստիկանությունը ձերբակալել է կասկածյալին։